Татарстан Дәүләт Советы командасы шахмат ярышларында беренче урын алды
Дәүләт Советы командасы Татарстан Республикасы дәүләт һәм муниципаль хезмәткәрләре Спартакиадасы кысаларында шахмат ярышларында беренче урынны алды. Ярышлар 25-26 март көннәрендә шахмат, шашка һәм го буенча Нәҗметдинов исемендәге республика олимпия резервы спорт мәктәбе базасында узды.
Турнирда ТР Рәисе администрациясеннән, ТР Дәүләт Советыннан, ТР Министрлар Кабинеты Аппаратыннан, республика министрлыкларыннан һәм ТР буенча федераль ведомстволарның территориаль идарәләреннән 19 команда катнашты. Бу турыда Дәүләт Советының матбугат хезмәте хәбәр итте.
Гомумкоманда зачетында 1 урынны ТР Дәүләт Советы командасы, 2 урынны – ТР Рәисе администрациясе командасы, 3 урынны– ТР Министрлар Кабинеты Аппараты алды.
Республика парламенты командасы составында Дәүләт Советы Аппараты хезмәткәрләре Регина Әхмәтгәрәева, Вячеслав Захаров, Гөлназ Исмәгыйлева һәм Илдар Садыйков уйнады, диелә хәбәрдә.