Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Дәүләт Советы депутатларын сайлау датасын 54нче утырышта билгеләячәкләр
![Татарстан Дәүләт Советы депутатларын сайлау датасын 54нче утырышта билгеләячәкләр](https://tatar-inform.tatar/resize/shd/images/uploads/news/2024/6/6/1052bf75e4921ac6ed498894c28bd729.jpg)
Бүген Казанда алтынчы чакырылыш Татарстан Дәүләт Советының илле дүртенче утырышы уза. Анда депутатлар җиденче чакырылыш парламентка сайлаулар датасын билгеләячәк.
Утырышның көн тәртибенә барлыгы 29 мәсьәлә, шул исәптән 16 – республика, биш федераль закон проекты кертелгән. Республика законнарының барлык проектлары да, шул исәптән 2023 ел өчен Татарстан һәм ТР Территориаль мәҗбүри медицина иминияте фонды бюджетларының үтәлеше турындагы проектлар да беренче укылышка тәкъдим ителгән.
Моннан тыш, парламентарийлар ТР Бюджет кодексына үзгәрешләр кертә торган закон проектларын һәм җирле үзидарә, Менделеевск һәм Түбән Кама районнары чикләрен билгеләү, ТР Дәүләт Советы депутаты статусы, дәүләт милкен хосусыйлаштыру, урманнардан файдалану, яшьләр сәясәте, гражданнарның сәламәтлеген саклау өлкәсендә аерым мәсьәләләрне җайга салу, намус һәм дини берләшмәләр иреге, мәгариф турындагы законнарны караячак.
Шулай ук депутатлар беренче укылышта «Халык сәнгать һөнәрчелеге турында»гы республика закон проекты хакында фикер алышыр дип көтелә.
Моннан тыш, парламентарийлар җәмәгать судьяларын сайлаячак, ТР Хисап палатасы эшчәнлеге турындагы хисапны, яшьләр сәясәте һәм Татарстанда мәгарифне үстерү программалары хакындагы докладларны тыңлаячак.
Хөкүмәт сәгате республикада мәдәни мирас объектларын саклау, файдалану, популярлаштыру һәм дәүләт саклавына алу темасына багышланыр дип көтелә.
Быел алтынчы чакырылыш ТР Дәүләт Советының вәкаләтләр срогы тәмамлана. Конституция һәм Татарстан Сайлау кодексы нигезендә, депутатлар сайлау республика парламенты тарафыннан билгеләнә. Тавыш бирү көне сентябрьнең икенче якшәмбесе булырга тиеш. Шуңа күрә сайлауларны билгеләү турындагы карар тавыш бирү көненә кадәр йөз көннән дә иртәрәк һәм 90 көннән дә соңга калмыйча кабул ителергә тиеш.
Кызыклы яңалыкларны күзәтеп бару өчен Телеграм-каналга язылыгыз