Татарстан Дәүләт камера хоры «Гимн көне» акциясендә чыгыш ясаган
Акция Гиннессның рекордлар китабына кертеләчәк.
Скопировать ссылку
(Казан, 2 сентябрь, «Татар-информ»). Татарстан Дәүләт камера хоры Петербургта узган «Гимн көне» акциясендә катнашкан. Бу хакта хорның матбугат үзәге хәбәр итә.
- 1 сентябрьдә 8 меңнән артык музыкант һәм 20 мең җырчы бер мәйданда Россия гимнын башкарды. Әлеге акция Россия дәүләт гимнының 75 еллыгы уңаеннан оештырылган.
Акция Гиннессның рекордлар китабына кертеләчәк.
- Татарстан Дәүләт камера хоры Сәйдәшев исемендәге Зур концертлар залы базасында эшли. Хорны Миләүшә Тәминдарова җитәкли.