Татарстан дәүләт хакимияте сайтларында Яңа елга кадәр көннәрне саный башладылар
Сәгатьле баннерлар республиканың 116 сайтына куелган.
(Казан, 11 декабрь, «Татар-информ»). Яңа елга кадәр ничә сәгать һәм минут калганын белү өчен хәзер Татарстанның теләсә кайсы министрлыгы һәм ведомствосы порталына керү дә җитә. Татарстан дәүләт хакимиятенең барлык сайтларында баннер барлыкка килде, ул Яңа ел кадәр калган көннәрне, сәгатьләрне, минутларны һәм секундларны саный.
Баннерларда, сәгатьтән тыш, медицина битлеге кигән Кыш бабай сурәтләнгән. Ул республика халкына хәтта бәйрәм көннәрендә дә ковидтан саклану чараларын үтәүнең мөһимлеге турында искә төшерә.
Моннан тыш, дәүләт хезмәтләре порталыннан файдаланучыларның барысы да республика җитәкчелегеннән махсус Яңа ел котлауларын алачак. Хатлар порталда һәм «Татарстан хезмәтләре» кушымтасындагы шәхси кабинетка киләчәк.