news_header_top_970_100
16+
news_header_bot_970_100

Татарстан чит илләрдә яшәүче татарларга югары белем алу өчен субсидия бирә башлый

2018 елдан башлап Татарстан Кытай татарларын туган тел, мәдәният һәм гореф-гадәтләргә өйрәтүгә акча бүлеп бирде.

(Казан, 7 май, «Татар-информ», Вероника Ваганова). Татарстан бюджетыннан татар диаспоралары өчен югары белем алуга коммерцияле булмаган оешмаларга субсидияләр бөтен илләргә бирелә башлый. Элегрәк мондый ярдәмне 2018 елдан Кытай татарлары гына алган иде. Кичә Татарстан Хөкүмәте карарына тиешле үзгәрешләр кертелде.

«Татарстан Республикасы Министрлар Кабинетының 2018 елның 26 ноябрендәге 1050 < ... > карарына түбәндәге үзгәрешләрне кертергә: «Кытай Халык Республикасы» сүзләрен «чит дәүләтләр» сүзләренә алмаштырырга», - диелә документ текстында.

Карардан күренгәнчә, субсидияләр Татарстанда урнашкан бакалавриат, магистратура, фәнни-педагогик кадрлар әзерләү программалары буенча белем бирүче коммерцияле булмаган оешмаларга каралган. Моннан тыш, оешмалар татар телен, фәнен, мәгарифен, мәдәниятен һәм башкаларны үстерүдәге тәҗрибәгә ия булырга тиеш. Түләү алу өчен конкурс сайлап алуында җиңәргә кирәк.

autoscroll_news_right_240_400_1
autoscroll_news_right_240_400_2
news_bot_970_100