Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан Чехиянең югары технологияле оешмаларын урнаштыру өчен мәйданчык була ала
Потенциаль хезмәттәшлек кысаларында ИТ, нано - һәм биотехнологияләр өлкәсе карала.
(Казан, 29 сентябрь, "Татар-информ", Лилия Чанышева). Чехия компанияләре Татарстанны үзләренең югары технологияле җитештерү оешмаларын урнаштыру өчен мәйданчык итеп карый. Бу хакта бүген Татарстанның Инвестиция үсеше агентлыгы матбугат хезмәте җиткерде.
Чехия Республикасы делегациясе Татарстанның Инвестиция үсеше агентлыгы җитәкчелеге белән сөйләшүләре барышында потенциаль хезмәттәшлек кысаларында ИТ, нано - һәм биотехнологияләр өлкәсе карала, дип хәбәр итте. Хәзерге вакытта ике яклы икътисади хезмәттәшлекнең 60-70 процентын машина төзелеше, энергетика һәм транспорт системалары били. 2017 елның беренче яртыеллыгында тышкы сәүдә әйләнеше күләме 202 миллион доллар булган.
Очрашу барышында Чехиянең сәүдә өлкәсенә ярдәм итү өчен булдырылган "ЧехТрейд" агентлыгы вәкиле Йилек Штепан хезмәттәшлек итү буенча конкрет этапларны билгеләргә тәкъдим итте. Ул эшне машина төзелеше предприятиеләреннән башларга кирәк, дип саный. Аның сүзләренә караганда, Чехия компанияләре Татарстан белән бердәм җитештерүне булдыру турында кызыксына.
Кызыклы яңалыкларны күзәтеп бару өчен Телеграм-каналга язылыгыз