news_header_top_970_100
news_header_bot_970_100

Татарстан чаңгычысы Хакасия Кубогына 15 чакрым узышта җиңүче булды

Турнирда Россиянең меңнән артык иң көчле чаңгычылары көч сынаша.

(Казан, 24 ноябрь, "Татар-информ", Алексей Анисимов). Татарстан чаңгычысы Артем Николаев Хакасия Кубогына 15 чакрымга шәхси узышта ирекле стильдә җиңүче булды. Татарстанның тагын бер вәкиле - Егор Казаринов беренче унлыкны төгәлләде. Бу хакта Татарстан чаңгы ярышлары федерациясе вәкиле хәбәр итте.

Николаев дистанцияне 33 минут 30,5 секундта якындагы көндәшен 10 секундка артта калдырып узды. Икенче булып, Ханты-Мансийск автономлы округыннан Сергей Турышев, өченче урында Комидан Станислав Волженцев булды. Татарстанлы Егор Казаринов 58,6 секундка калышып, унынчы урынны яулады.

Хатын-кызлар арасында 10 чакрымга шәхси узышта ирекле стильдә татарстанлылар призлы өчлеккә керә алмаган. Җиңүне Калугадан Дарья Сторожилова яулаган. Татарстанның ике вәкиле – Диләрә Сабирҗанова бишенче (+46,7 сек), Мария Давыденкова сигезенче (+51,5 сек.) урынны яулап, беренче унлыкка кергән.

Хакасия Кубогы чаңгы ярышлары Европа Көнчыгыш кубогының I этабы булып тора һәм ул һәр елны үткәрелә.

Турнирда Россиянең меңнән артык көчле чаңгычысы көч сынаша, алар арасында Россия хатын-кызлар җыелмасы һәм илнең яшьләр командасы бар.
 

news_right_column_1_240_400
news_right_column_2_240_400
news_bot_970_100