Спорт 5 февраль 2018 12:09

Татарстан чаңгычысы дөнья беренчелегендә Россия җыелмасына медаль яуларга булышты

Эстафетада Россия чаңгычылары бронза медаль яулады.

Скопировать ссылку

(Казан, 5 февраль, “Татар-информ”, Фәрит Салихов). Чаңгы ярышы буенча үсмерләр һәм яшьләр арасында Швейцариядә уза торган дөнья беренчелегендә Россиянең егетләр җыелмасы эстафетада бронза медаль яулады. Бу хакта “Татар-информ” хәбәрчесенә Татарстанның чаңгы ярышлары һәм биатлон федерациясеннән хәбәр иттеләр.

“Татарстан чаңгычысы Ярослав Рыбочкин дөнья беренчелегендә Россия җыелмасына медаль яуларга булышты”, – диделәр федерациянең матбугат хезмәтеннән.

Эстафета ярышында Норвегия егетләре җиңү яулаган. Икенче урында – АКШ, өченчедә Россия чаңгычылары.

Составта Кирилл Киливнюк, Сергей Ардашев, Ярослав Рыбочкин һәм Александр Терентьев булган Россия чаңгычылары җиңүче командадан 5.5 секундка калышса, көмеш медаль яуларга 23 секунд чамасы гына җитезлек җитмәгән

#Чаңгы спорты

Сәхифәләр

Татарстан чаңгычысы дөнья беренчелегендә Россия җыелмасына медаль яуларга булышты