Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан чаңгычыларының беренче өчлеккә күтәрелү мөмкинлеге бар – Хәлил Шәйхетдинов
Иртәгә Ханты-Мансийкида чаңгы ярышлары буенча Россия чемпионаты старт ала.
(Казан, 23 март, "Татар-информ", Фәрит Салихов). Татарстан чаңгычылар җыелма командасы быел үз тарихында беренче тапкыр Россия кубогына ия булды. Ә сезонны тагын бер зур җиңү белән төгәлләргә була – республика чаңгычыларының ел нәтиҗәләре буенча Россия төбәкләре арасында беренче өчлеккә күтәрелү мөмкинлеге бар. Бу хакта бүген "Татар-информ" мәгълүмат агентлыгында узган матбугат конференциясендә Татарстан республикасының яшьләр эшләре һәм спорт министрының беренче урынбасары Хәлил Шәйхетдинов җиткерде.
Ел нәтиҗәләре буенча әлегә беренче урында – Ханты-Мансийск, икенчедә – Төмән, ә өченче баскычта Мәскәү чаңгычылары бара. Татарстан командасы өченче урыннан аз гына калыша.
"Барысы да сезонның соңгы стартыннан соң хәл ителә. Иртәгә Ханты-Мансийскида чаңгы ярышлары буенча Россия чемпионаты старт ала. Татарстан җыелмасы анда катнашу өчен көчле состав белән китте. Шуңа да анда уңышлы чыгыш ясап, сезон нәтиҗәләре буенча өченче, хәтта икенче урынга күтәрелә алачагыбызга өметләнәбез", – диде Хәлил Шәйхетдинов.
Кызыклы яңалыкларны күзәтеп бару өчен Телеграм-каналга язылыгыз