Татарстан чаңгычылары Россия кубогының чираттагы этабында медальләр яулады
Ярышлар 15-19 гыйнвар көннәрендә Киров-Чепецк шәһәрендә булды.
(Казан, 17 гыйнвар, «Татар-информ», Сергей Гаврилов). Татарстан спортчылары чаңгы ярышлары буенча Россия Кубогының өченче этабында бер алтын һәм ике көмеш медаль яулады. Бу хакта Татарстан Чаңгы ярышлары һәм биатлон федерациясе матбугат хезмәте хәбәр итә.
Россия Кубогының өченче этабы ярышлары 15-19 гыйнвар көннәрендә Киров-Чепецк шәһәрендәге «Перекоп» чаңгы-биатлон комплексы трассаларында узды. Ярышта илнең 28 төбәгеннән 220 спортчы, шул исәптән Татарстанның чаңгы ярышлары буенча җыелма командасының төп составы да, катнаша.
Программаны спринтер ярышлары ачып җибәргән. Хатын-кызлар 10 км дистанциядә классик стильдә узыша. Татарстан спортчысы Лариса Рясина икенче килеп, көмеш медаль яулый.
15 км дистанцияле ярышта татарстанлы Артем Николаев алтын медаль яулауга ирешә. Көмеш медальне шулай ук Татарстан спортчысы Андрей Феллер ала.