Спорт 30 ноябрь 2017 11:33

Татарстан чаңгычылары Россия кубогы ярышларында тулы составта катнаша

Хакасиядә Кубок ярышларының беренче этабы старт ала.

Скопировать ссылку

(Казан, 30 ноябрь, “Татар-информ”, Фәрит Салихов). Хакасиянең Вершина Теи бистәсендә чаңгы ярышлары буенча 2017-2018 елгы сезон Россия кубогының беренче этабы старт ала. Анда Татарстан чаңгычылары тулы составта чыгыш ясаячак. Бу хакта «Татар-информ» хәбәрчесенә Татарстан чаңгы узышлары һәм биатлон федерациясе матбугат хезмәтеннән җиткерделәр.

«Ярышлар 2-3 декабрьгә билгеләнгән һәм мини-тур форматында үткәрелә. Программага ирекле стильдә спринт, классик ысул белән ярышуда индивидуаль узышлар кертелгән. Соңгысында хатын-кызлар – 5, ир-егетләр 10 чакрым арага узыша», – дип ачыклык керттеләр федерациядән.

Россия кубогы ярышларының беренче этабына илнең 40 төбәгеннән спортчылар җыела. Татарстан җыелма командасы анда тулы составта чыгыш ясаячак.

#Чаңгы спорты

Сәхифәләр

Татарстан чаңгычылары Россия кубогы ярышларында тулы составта катнаша