Икътисад 2 октябрь 2018 10:50

Татарстан бюджетыннан субсидия алу өчен 192 коммерцияле булмаган оешма көрәшәчәк

Татарстанның Министрлар кабинетында социаль проектлар тормышка ашыручы коммерцияле булмаган республика оешмаларының конкурс гаризаларын хупладылар.

Скопировать ссылку

(Казан, 2 октябрь, "Татар-информ"). Татарстанда социаль әһәмияткә ия проектларны тормышка ашыручы коммерцияле булмаган оешмаларга республика бюджетыннан субсидияләр бирү өчен конкурска 192 гариза килгән. Бу хакта Татарстан Республикасы Икътисад министрлыгының матбугат хезмәте хәбәр итә.

Конкурс комиссиясе утырышы Татарстанның Министрлар кабинетында узды. Чарада Татарстан Премьер-министры урынбасары – конкурс комиссиясе рәисе Ләйлә Фазлыева, Татарстан Республикасы Дәүләт Советы рәисе урынбасары Римма Ратникова, ТР Җәмәгать палатасы рәисе Анатолий Фомин һәм конкурс комиссиясе әгъзалары катнашты.

Татарстан Республикасы бюджетыннан субсидияләр алу өчен конкурска 35 муниципаль берәмлектән барлыгы 199 гариза килгән һәм теркәлгән.

#субсидия #бюджет

Сәхифәләр

Татарстан бюджетыннан субсидия алу өчен 192 коммерцияле булмаган оешма көрәшәчәк