news_header_top_970_100
16+
news_header_bot_970_100

Татарстан бюджеты Казан метросының икенче тармагын төзүгә 800 млн сум акча юнәлдерәчәк

Казан метрополитенының икенче линиясенең беренче участогы - «Фучик» станциясеннән «Сахаров» станциясенә кадәр төзүгә республика бюджетыннан 800 млн сум юнәлдереләчәк. Бу тендер дәүләт сатып алулары сайтында чыкты.

Тендерга документлар нигезендә, эшчеләргә тимер-бетон конструкцияләр ясарга, кабель салырга һәм гидроизоляция үткәрергә, шулай ук "Имәнлек" станциясенә төшә торган баскычлар астында саклагыч экран урнаштырырга кирәк булачак.

Заказ бирүче буларак Татарстан Республикасының Баш инвестиция-төзелеш идарәсе тора.

Тендерда катнашуга гаризалар агымдагы елның 11 июленә кадәр кабул ителәчәк, ә 13 июльдә подрядчы билгеләнәчәк. Аңа барлык эшләрне 2022 елның 30 ноябренә кадәр башкарырга туры киләчәк.

autoscroll_news_right_240_400_1
autoscroll_news_right_240_400_2
news_bot_970_100