Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан белән Тува хезмәттәшлек турында килешү имзаладылар
Документка Татарстан Президенты һәм Тыва Республикасы башлыгы вазыйфаларын вакытлыча башкаручы имза куйдылар
(Казан, 1 июль, «Татар-информ», Арсений Маврин, Гөлүзә Василова). Татарстан Президенты Рөстәм Миңнеханов белән Тыва Республикасы башлыгы вазыйфаларын вакытлыча башкаручы Шолбан Кара-оол сәүдә-икътисади, фәнни-техник, социаль һәм мәдәни хезмәттәшлек турында килешү имзаладылар. Бу хакта Тыва Республикасының рәсми сайтында хәбәр ителә.
"Безнең һәм Тыва хезмәттәшләребез ягыннан гамәлләр активрак булырга тиеш. Тува - потенциалы ачылып бетмәгән төбәк, әмма потенциалы зур. Без һәр өлкә буенча эшче төркем төзергә килештек", - диде ул.
"Якын арада килешүләрне чынга ашыру тәртибе билгеле булачак. Бу мәсьәләрне хәл итүне тизләтү өчен транспорт элемтәсен урнаштырырга кирәк, - диде Тыва Республикасы башлыгы вазыйфаларын вакытлыча башкаручы. - Ел ахырына кадәр без Кызыл аэропортыннан очып китү һәм очып төшү полосасын реконструкцияләүне төгәллибез, тиз арада Кызыл белән Казан арасында туры рейсларны гамәлгә куярга тырышачакбыз".
Кара-оол сүзләренчә, якын арада югары белем бирү һәм профессиональ әзерлек өлкәсендә мөнәсәбәтләрне үстерергә планлаштырыла. Тывада яшәүчеләрне сәнәгать, авыл хуҗалыгы һәм инновацион производство өлкәсендә эшләнмәләр дә кызыксындыра.
Кызыклы яңалыкларны күзәтеп бару өчен Телеграм-каналга язылыгыз