news_header_top
16+
news_header_bot
news_top

Татарстан башкаласында финнар татарча җырларга җыена

Концертта ТР Дәүләт камера хорының да чыгыш ясавы күздә тотыла

(Казан, 21 март, “Татар-информ”). 27 апрель көнне Казанда Финляндиянең “Эхо Отаниеми” хор төркеме чыгыш ясаячак. С. Сәйдәшев исемендәге Зур концерт залында сәгать 18.30 да узачак концертта Хельсинкидан килгән кунаклар И.С. Бах, Я. Сибелиус, П. Чайковский әсәрләрен башкарачак. Шулай ук, Рөстәм Яхин романсларын һәм татар халык җырларының эшкәртелгән вариантларын татар телендә тыңларга мөмкин булачак.

“Хор кайтавазы” (“Хоровое эхо”) исемле мәдәни чарада Миләүшә Тәминдарова җитәкчелегендәге ТР Дәүләт камера хорының да чыгыш ясавы күздә тотыла. Концерт азагында алар бергәләп фин һәм татар халык җырларын башкарачак, дип хәбәр итә оештыручылар.
 

news_right_1
news_right_2
news_bot