Дин 19 ноябрь 2016 16:58

Татарстан баш казые Балтачта имамнарны җыеп исламда мәетне юу тәртипләрен өйрәтте

Балтач районының үзәк мәчетендә дини мәсьәләләргә багышланган җыеннар даими уза.

Скопировать ссылку

(Балтач, 19 ноябрь, "Татар-информ", "Хезмәт", Зөлфия Шакирова). Татарстанның Балтач районы үзәк мәчетендә ай саен имамнар җыелышы уза. Биредә дини темаларга кагылышлы һәр мәсьәлә җитди рәвештә күтәрелә һәм хәл ителә, дип яза районның “Хезмәт” сайты.

Җыелышка күрше-тирә районнардан, өлкәләрдән дә мөселман кардәшләр килә. Күптән түгел узган җыелышта төп тема – ислам шәригате буенча мәетне юу тәртипләренә багышланган иде.

Татарстанның баш казые Җәлил хәзрәт Фазлыев, дин әһеле Рәйсә Зарипова бу хакта җентекләп аңлатты-искәртте, башка дин әһелләре дә бу өлкәдәге эш-гамәлләре, фикерләре белән уртаклашты. Җыелуның максаты бер – мәетне юу район авылларының һәрберсендә дә бертөрле башкарылырга тиеш. Алайса, бу якка күчеп кайтучылар, кайдандыр күреп кайтучылар арасында үзләренчә яңалык кертүчеләр юк түгел. Ләкин тәртип бер булырга тиеш, ди җирле дин әһелләре. Җыелышка әлеге гамәлне үтәүчеләр генә түгел, башка дини райондашларыбыз да килгән иде.

#Балтач

Сәхифәләр

Татарстан баш казые Балтачта имамнарны җыеп исламда мәетне юу тәртипләрен өйрәтте