Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан балаларын һәм яшьләрен театр афишалары бәйгесендә катнашырга чакыралар
Гаризалар 30 сентябрьгә кадәр кабул ителә.
(Казан, 8 август, “Татар-информ”). Татарстанда яшәүче 6-17 яшьлек балалар, шулай ук 18-30 яшьлек кешеләр “Театраль Идел буе” дип аталган студентлар һәм мәктәп театр коллективлары округ фестиваленең афишалар конкурсында катнаша ала. Бу хакта Татарстан Мәдәният министрлыгының матбугат хезмәте хәбәр итә.
Конкурс балалар һәм яшьләргә иҗат белән шөгыльләнү өчен шартлар булдыруга, шулай ук фестивальгә һәм театр сәнгатенә игътибарны арттыруга юнәлгән. Ул өч этаптан тора. Катнашу өчен гаризалар 30 сентябрьгә кадәр кабул ителә. 1-30 октябрь көннәрендә аларга эксперт бәяләмәсе биреләчәк. Бәйге нәтиҗәләре ноябрь азагында билгеле булачак.
Конкурста катнашу өчен югары сыйфатлы рәсемнәр кабул ителә. Алар компьютер технологияләрен һәм графика программаларын кулланып ясалган булырга тиеш. Бер катнашучыдан өч кенә эш кабул ителә.
Рәсем “Театраль Идел буе” фестивале турында мәгълүматны яки төп мәгънәне, төбәк этабы программасын, фестивальдә катнаша торган теләсә кайсы спектакль турында мәгълүматны чагылдырырга һәм финалда тавыш бирүдә катнашырга өндәргә тиеш.
Конкурсны Россия Президентының Идел буе федераль округындагы вәкаләтле вәкиле аппараты уздыра.
Бәйгенең нигезләмәсе белән Татарстан Мәдәният министрлыгы сайтының конкурслар бүлегендә танышырга мөмкин. Гаризаны theatres.fest@mail.ru сайты аша биреп була (“Афишалар конкурсы” дип тамгаларга кирәк).
Кызыклы яңалыкларны күзәтеп бару өчен Телеграм-каналга язылыгыз