Татарстан авылында сүндерелмәгән тәмәке аркасында ике кеше һәлак булган
Скопировать ссылку
Кичә Татарстанның Лаеш районындагы Титәй авылында дача йортларының берсендә янгын чыккан.
Янгын сүндерүчеләр килгәндә, ике катлы кирпеч йорт янган.
«Татар-информ»га Россия гадәттән тыш хәлләр министрлыгының ТР буенча Баш идарәсендә сөйләүләренчә, янган конструкцияләрне тикшергәндә янгын сүндерүчеләр 60 яшьлек ир-ат һәм хатын-кызның мәетләрен тапкан.
Янгынның беренчел сәбәбе – тәмәке тартканда ут белән саксыз эш итү, диелә хәбәрдә.
Фото: © Россия гадәттән тыш хәлләр министрлыгының ТР буенча Баш идарәсе матбугат хезмәте