Җәмгыять 10 сентябрь 2018 21:20

Татарстан авылларында яшәүче 1,5 мең ана яңа түләүләр алу өчен мөрәҗәгать иткән

Агымдагы елда республикада 2,5 меңнән артык кеше бала туган очракта бервакытлы түләүләр алачак.

Скопировать ссылку

(Казан, 10 сентябрь, «Татар-информ»). Бүгенге көндә Татарстанда беренче балаларын тапкан 1181 хатын-кыз һәм өченче баласын тапкан 226 хатын-кыз яңа бервакытлы түләүләр алу буенча мөрәҗәгать иткән. Бу турыда Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

Бервакытлы түләүләрне бары тик авылда яшәүчеләргә генә бирәләр.

Узган ел ахырында Татарстан Президенты Рөстәм Миңнеханов, авылда 3 ел яки аннан да күбрәк яшәгән хатын-кызлар өчен, 2018 елның 1 гыйнварыннан соң, бала тапкан очракта бервакытлы түләүләр турында карар кабул итте. Хатын-кыз беренче баласын 25 яшькә кадәр тапса, аңа 50 мең сум акча түләнә. Әгәр 29 яшькәчә хатын-кыз өченче баласын алып кайтса, түләүләр 100 мең сум тәшкил итәчәк.

Хезмәт, халыкны эш белән тәэмин итү һәм социаль яклау министрлыгы белгечләре быел республикада андый хатын-кызлар 2,5 меңнән артык дип белдерә. Аларның 2 мең чамасы, беренче бала тулу уңаеннан, түләүләр алачак. 400дән артыгы өченче балаларын табачак.

#түләү #бала туу

Сәхифәләр

Татарстан авылларында яшәүче 1,5 мең ана яңа түләүләр алу өчен мөрәҗәгать иткән