Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан авыл хуҗалыгында цифрлы алымнар куллануда алдынгылар рәтенә керде
Тикшеренүләр авыл хуҗалыгында Россия төбәкләренең 20 процентында IT үсеше һәм технологик карарларны кертүнең югары дәрәҗәсен күрсәткән.
(Казан, 12 август, «Татар-информ»). Татарстан Республикасы авыл хуҗалыгында цифрлы алымнарны кертү темплары буенча лидерлар арасына керде. Бу хакта «Татар-информ»га Татарстан Авыл хуҗалыгы һәм азык-төлек министрлыгында хәбәр иттеләр.
Россия Федерациясе Авыл хуҗалыгы министрлыгы, Россия Федерациясенең 85 субъектында агросәнәгать комплексының цифрлы трансформация темпларын анализлап, бу күрсәткеч буенча иң яхшы төбәкләрне билгеләде. Тикшеренүләр агросәнәгать комплексында IT үсеше һәм технологик чишелешләрне кертү төбәкләрнең 20 процентында югары дәрәҗәдә һәм 29 процентында уртача дәрәҗәдә икәнлеген күрсәткән.
«Татарстан Алтай һәм Краснодар крайлары, Курск, Липецк һәм Самара өлкәләре һәм Башкортстан Республикасы белән беррәттән авыл хуҗалыгында цифрлы алымнарны кертү темплары буенча лидер төбәкләр арасына керде», - диделәр Татарстан Авыл хуҗалыгы һәм азык – төлек министрлыгының матбугат хезмәтендә.
Экспертлар төбәкләрдә агросәнәгать комплексын цифрлаштыру дәрәҗәсен пилот чишелешләрне апробацияләү һәм аларны тиражлау, Электрон хөкүмәтне һәм яңа цифрлы технологияләрне тулы функцияле куллану, 2019-2024 елларга исәпләнгән «Цифрлы авыл хуҗалыгы» ведомство проектын гамәлгә ашыруны тәэмин итә торган норматив актларга үзгәрешләр кертү кебек күрсәткечләр буенча бәяләгәннәр.
Кызыклы яңалыкларны күзәтеп бару өчен Телеграм-каналга язылыгыз