Авыл 29 октябрь 2007 18:09

Татарстан авыл хуҗалыгы предприятиеләрендә технологик аудит үткәрелә

Скопировать ссылку

(Казан, 29 октябрь, “Татар-информ”, Ирина Игнатьева). Республиканың авыл хуҗалыгы предприятиеләрендә мулрак уңыш алу максатыннан конкрет кырларның технологик аудиты уздырыла. Бу хакта “Татар-информ” агентлыгы хәбәрчесенә ТР авыл хуҗалыгы һәм азык-төлек министрының игенчелек буенча урынбасары Илдус Габдрахманов белдерде.

Министрлык белгечләренә аграрийлар белән берлектә конкрет кырлар анализын үткәрергә һәм алынган уңыш рәвеешендә аларның нәтиҗәлелеген ачыкларга кирәк. Нәтиҗәлелек түбән икән, аның сәбәбен, әйтик, чәчү, агротехник алымнар вакытын бозуда булырга мөмкин. Технологик аудит барышында әнә шул сәбәпләрне ачыкларга туры киләчәк.

Бу көннәрдә Чүпрәле, Буа, Кама Тамагы һәм республиканың башка районнары кырларын җентекләп өйрәнәләр. Киләчәктә аграрийлар эшендә барлык плюс һәм минуслар гомумиләштерелеп, 2008 елга махсус рекомендацияләрдә урын табачак. Аларны ТР Авыл хуҗалыгы һәм азык-төлек министрлыгы белгечләре эшләячәк.

Сәхифәләр

Татарстан авыл хуҗалыгы предприятиеләрендә технологик аудит үткәрелә