Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстан 9 айда федераль казнага 370 млрд сумга якын салым түләгән
"Салымнарның 68 проценты федераль казнага, 32 проценты республиканың тупланма бюджетына күчте”, - диде Марат Сафиуллин.
(Казан, 25 октябрь, “Татар-информ”, Гөлнар Гарифуллина). 2018 елның гыйнварыннан сентябренә кадәр Татарстаннан федераль казнага 368,6 млрд сум салым күчерелгән. Бу хакта ТР Министрлар Кабинетында бюджет үтәлеше буенча финанс, казначылык һәм салым органнары республика киңәшмәсендә Федераль салым хезмәтенең Татарстан буенча җитәкчесе Марат Сафиуллин әйтте.
Аның сүзләренчә, узган ел белән чагыштырганда, федераль бюджетка түләнгән салымнар 47 процентка арткан.
2018 елның гыйнварыннан сентябренә кадәр татарстанлылар барлыгы 538 млрд сум салым түләгән. Былтыргыга караганда, бу сан 31 процентка күбрәк. Моңа күбрәк файдалы казылмалар чыгаруга салым хисабына ирешелгән.
Марат Сафиуллин Татарстанның салым түләүләре буенча Идел буе федераль округында лидер булуын әйтте. “Салымнарның 68 проценты федераль казнага, 32 проценты республиканың тупланма бюджетына күчте”, - диде ул.
Кызыклы яңалыкларны күзәтеп бару өчен Телеграм-каналга язылыгыз