Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстан 27 миллион долларга хәләл продукция экспортлаган
Быелның ун аенда Татарстан 376 миллион АКШ долларына агросәнәгать комплексы продукциясен экспортлаган. Аның эчендә «Хәләл» стандартлары буенча җитештерелгән продукция 27 миллион доллардан артык, дип хәбәр итә ТР Авыл хуҗалыгы һәм азык-төлек министрлыгының матбугат хезмәте.
«Татарстанның авыл хуҗалыгы продукциясен, шул исәптән «Хәләл» стандартлары буенча җитештерелгән продукцияне экспортлау мөмкинлеге бар. Бу – ит, сөт һәм кондитер ризыклары, көнбагыш мае, ашлык, терлек азыгы», – дип билгеләп үтте ТР Авыл хуҗалыгы һәм азык-төлек министры урынбасары Рөстәм Гайнуллов.
Республикада агросәнәгать продукциясен экспортлау белән 258 предприятие шөгыльләнә. Товарлар 56 илгә җибәрелә.
Гайнуллов Татарстан делегациясе составында Төркиядә булды. Ул бу республиканың зур оешмалары вәкилләре белән эшлекле очрашуларда катнашты, 10нчы «World Halal Summit» халыкара сәүдә күргәзмәсенең экспозициясен карап чыкты.
Башка дәүләтләр белән партнерлыкны үстерү «Халыкара кооперация һәм экспорт» милли проекты максатларына туры килә, дип билгеләп үттеләр министрлыкта.
Кызыклы яңалыкларны күзәтеп бару өчен Телеграм-каналга язылыгыз