Икътисад 5 август 2024 10:27

Татарстан 2024 елда авыл ипотекасы бирү буенча төп өчлеккә кергән

Скопировать ссылку

1 гыйнвардан 22 июльгә кадәр Татарстанда «Авыл ипотекасы» программасы кысаларында 3,7 млрд сумлык 709 кредит бирелгән. Узган елның шушы ук чорында, чагыштыру өчен, күрсәткеч 1,6 млрд сумлык 586 кредит тәшкил иткән. Бу хакта ТАСС хәбәр итә.

Россия Федерациясе Авыл хуҗалыгы министрлыгы мәгълүматлары буенча, 2024 елда илдә 14 меңнән артык шундый кредит бирелгән, бу узган елның шул ук чоры белән чагыштырганда 30 процентка күбрәк.

Программа кысаларында рәсмиләштерелгән кредитлар буенча Новосибирск өлкәсе лидер булды. Монда, 22 июльгә булган мәгълүматларга караганда, 4,4 млрд сумлык 823 авыл ипотекасы бирелгән. Икенче урында Краснодар крае, анда 3,6 млрд сумлык 717 кредит алганнар.

Министрлыкта билгеләп үтүләренчә, килешүләр саны арту кредит бирү максатларын киңәйтү белән бәйле. 2023 елның уртасыннан россиялеләр торак пунктта фатир сатып алуга авыл ипотекасын рәсмиләштерә ала. Шулай ук мондый кредитның максималь суммасы 3 млн сумнан 6 млн сумга кадәр арткан.

Гражданнарның Үзәк банкның төп ставкасы үсеше фонында ташламалы ставка буенча торак сатып алу теләге ихтыяҗ зур булуның өченче сәбәбе булып тора.

Программа катнашучыга торак сатып алу яки төзү өчен елына 3 процентлы, ә чик янындагы районнарда елына 0,1 процентлы ставка белән кредит алырга мөмкинлек бирә.

Сәхифәләр

Татарстан 2024 елда авыл ипотекасы бирү буенча төп өчлеккә кергән