news_header_top
16+
news_header_bot
news_top

Татарстан 200 егетне армия сафларына озатты

Бүген ТР Җыелма пунктында Россия Федерациясе Кораллы көчләре сафларына кабул ителгән 200 егетне тантаналы рәвештә армиягә озаттылар. Алар, Чита, Биробиджан, Хабаровск, Уссурийск һ.б. калаларны да кертеп, Көнчыгыш хәрби округының төрле шәһәрләрендә хәрби бурычын үтәячәк.

Татарстанда язгы чакырылыш кампаниясе 1 апрельдә башланды, ә 23 апрельдә егетләрнең беренче төркемен хезмәт итү урыннарына озаттылар.

Булачак солдатлар (алар тиздән хәрби ант кабул итәчәк) үзләре өчен яңа юлга аяк басар алдыннан дулкынлану хисләрен кичерә. Егетләр билгеләп үткәнчә, алар әлегә үзләрен алда нәрсә көткәнен белми, әмма лаеклы хезмәт итү теләкләре зур.

news_right_1
news_right_2
news_bot