Мәдәният 8 ноябрь 2006 13:14

Татарча «Кураж бәйрәм»гә килгән беренче 50 кешене бүләк көтә

Скопировать ссылку

(Казан, 8 ноябрь, «Татар-информ», Ландыш Харрасова). Иртәгә, ягъни 9 ноябрь көнне «Пирамида» клубында «Кураж бәйрәм» татар дискотекасы узачак. «Барс-Медиа»ның җәмәгатьчелек белән элемтәгә керү үзәге вәкиле Ләйлә Зотова белдерүенчә, әлеге чарага татар җыр һәм биюләрен башкаручылар, аерым алганда Ландыш Нигъмәтҗанова, Фәрит Таишев, Иркә, Артур Хафизов, Салават Миңнеханов, Альбина, Илшат Вәлиев, Илназ Сафиуллин, Дилә Нигъматуллина, Мәликә, «Хомай», «Эссе», «Айфара» төркемнәре чакырылган. Барлыгы 25кә якын артист булыр дип көтелә. Дискотекада җыр-биюләр белән бергә уеннар да каралган.

Әлеге чарага килгән беренче 50 кешегә CD бүләк ителәчәк.

Сәхифәләр

Татарча «Кураж бәйрәм»гә килгән беренче 50 кешене бүләк көтә