Татар дөньясы 18 октябрь 2018 16:50

“Татарча диктант”ны бер хатасыз язучыларны Казанга җыеп бүләклиләр

Алдынгыларга алтын төсендәге түштамгалар, сертификат һәм бүләкләр тапшырылачак, диде Тәбрис Яруллин.

Скопировать ссылку

(Казан, 18 октябрь, “Татар-информ”, Чулпан Шакирова). “Татарча диктант”ны дөньяның төрле почмагында бер хатасыз язучыларны быел беренче тапкыр Казанга җыеп бүләклиләр. Бу хакта бүген журналистларга Бөтендөнья татар конгрессы җитәкчесе урынбасары, Бөтендөнья татар яшьләре форумы рәисе Тәбрис Яруллин әйтте.

“Быел без яңа мотивация ысулы уйлап таптык. Диктантын өчле яки дүртлегә язучыларның билгесе күрсәтелми, аларга акциядә катнашу турындагы сертификат бирелә. Бишлегә язучыларның катнашу кәгазендә билгесе куела. Ә текстны бер хатасыз язучыларны, Казанга аерым җыеп, алтын төсендәге түштамгалар, сертификатлар, бүләкләр бирергә уйлап торабыз. Бу барлык эшләрне анализлап, ахыргы нәтиҗәләр билгеле булгач, декабрь башларында узар дип көтелә”, - диде Тәбрис Яруллин.

Дөньякүләм "Татарча диктант" чарасы 27 октябрь көнне була. Башлана 13.00 сәгатьтә.

#татарча диктант #Тәбрис Яруллин

Сәхифәләр

“Татарча диктант”ны бер хатасыз язучыларны Казанга җыеп бүләклиләр