Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Татарча диктант» Мәскәүдә өч мәйданчыкта узачак
Мәскәүдә яшәүчеләр быел башкаланың өч мәйданчыгында узачак «Татарча диктант» акциясенә кушыла ала, дип хәбәр иттеләр Татарстан Республикасының Россия Федерациясендәге Тулы вәкаләтле вәкиллегендә.
Диктантны 26 ноябрьдә Мәскәүнең Татар мәдәни үзәгендә һәм Муса Җәлил исемендәге 1186нчы мәктәбендә язарга мөмкин булачак. Ә 27 ноябрьдә диктантны Шиһабетдин Мәрҗани исемендәге Ислам мәдәнияте һәм мәгарифе үзәгендә язачаклар. Шулай ук теләгән һәркем белемен онлайн-форматта тикшерә ала.
Быел татар телендә грамоталылыкны тикшерү буенча бөтендөнья белем бирү акциясе 25 ноябрьдән 27 ноябрьгә кадәр узачак. Диктант Россия Федерациясенең барлык субъектларында, чит илләрдә һәм Татарстан районнарында үткәрелә. Трансляция Мәскәү вакыты белән 11.00 сәгатьтә «ТНВ-Татарстан» һәм «ТНВ-Планета» телеканалларында узачак.
Акцияне Бөтендөнья татар яшьләре форумы, Бөтендөнья татар конгрессы Башкарма комитеты, ТР Яшьләр министрлыгы һәм КФУның Филология һәм мәдәниятара багланышлар институты оештыра.
«Татарча диктант» беренче тапкыр 2016 елда узды, анда өч чит илдән һәм Россиянең тугыз төбәгеннән 600 кеше катнашты. 2021 елда акция аудиториясен 34 чит илдән һәм Россиянең 74 төбәгеннән 1 миллионнан артык кеше тәшкил итте.
Кызыклы яңалыкларны күзәтеп бару өчен Телеграм-каналга язылыгыз