Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Энгель Фәттахов «Мин — гимназист» тантанасына Актаныш гимназиясе дресс-кодыннан килде
Бишенче сыйныфлар чарада ант кабул итте, аларга гимназист значоклары һәм дипломнар тапшырылды.
(Актаныш, 31 октябрь, «Татар-информ», Ләйсән Тимерова). Энгель Фәттахов «Мин — гимназист» тантанасына милли киемнән һәм гимназия дресс-кодыннан килде. Бүген район мәдәният йортында Актаныш гимназиясенең бишенче сыйныф укучыларын гимназистка кабул итү тантанасы узды.
ТР Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Зарипов мәртәбәле кунак буларак катнашып, гимназиянең укытучылар, укучылар һәм ата-аналар белән бер коллектив булып тупланып, бер гаилә булып яшәүләренә югары бәя бирде.
Актаныш район башлыгы Энгель Фәттахов чарага, гадәттәгечә, милли костюмнан килде. Шунысы игътибарга лаек — гимназистлар хөрмәтенә ул бүген укучыларның дресс-коды төсендәге милли киемнән иде.
Кунакларны укучыларның республикага танылган проект эшләре белән таныштырдылар. Дистә елга якын эшчәнлеге дәверендә гимназиянең укучыларга киңкырлы белем бирү моделе булдырылды. «Ак нур» вокаль ансамбле, «Хәзинә» бию ансамбле — гимназиянең горурлыгы.
Ата-аналарның гимназиягә булган ышанычын һәм хөрмәтен Оренбургтан килгән Резеда Рәфыйкова белдерде. «Балаларымны Актанышка укырга җибәрдем, үкенмим, чөнки башка мондый мәктәп юклыгын беләм, » — диде ул. Гимназиянең «Ел укучысы» Нәфисә Вәлиева бишенчеләргә үзенең теләкләрен ирештерде. "Үзегезгә максат куегыз һәм гимназиядә сезнең барлык хыяллар чынга ашачак", - диде сыйныф җитәкчесе.
Бишенче сыйныфлар ант кабул итте, аларга гимназист значоклары һәм дипломнар тапшырылды.
Кызыклы яңалыкларны күзәтеп бару өчен Телеграм-каналга язылыгыз