Мәскәүнең Татар милли-мәдәни мохтәрияте рәисе итеп Фәрит Фәрисов сайланды

Россия башкаласында төбәк иҗтимагый оешмасының хисап-сайлау конференциясе узды.

(Казан, 29 октябрь, "Татар-информ"). Бүген Мәскәүнең Татар мәдәният үзәгендә Татар милли-мәдәни мохтәрияте хисап-сайлау конференциясе барышында рәис сайланды. Җитәкче итеп Фәрит Фәрисов билгеләнде. Моннан тыш, автономиянең совет составы да яңартылды.

Җыелучыларны Дәүләт Думасы депутаты, Татар федераль милли-мәдәни автономиясе рәисе И.Гыйльметдинов, Татарстан Республикасының Россиядәге вәкаләтле вәкиле урынбасары Ә.Әхтәреев, Россия Мөселманнары берләшмәсе һәм Диния нәзарате рәисенең беренче урынбасары Р.Гәббәсов, Мәскәү шәһәре Татар мәдәни үзәгенең директоры А.Хөсәенов сәламләде.