Халыкара «Татар кызы-2020» бәйгесенең төбәкара этабы Самара шәһәрендә узачак
Конкурста Самара шәһәре һәм районнарыннан 12 татар кызы көч сынашачак.
Скопировать ссылку
(Казан, 29 февраль, «Татар-информ»). Халыкара «Татар кызы-2020» бәйгесенең төбәкара этабы Самара шәһәрендә 28 мартка билгеләнгән. Бу турыда Бөтендөнья татар конгрессы сайтында хәбәр ителә.
Бөтендөнья татар конгрессы бинасында Башкарма комитет җитәкчесе Ринат Закиров катнашында оештыру комитетының утырышы узды. Анда бәйгене үткәрү мәсьәләләре хакында фикер алыштылар.
Конкурста Самара шәһәре һәм районнарыннан 12 татар кызы көч сынашачак.
Җиңү яулаган катнашучы август аенда Казанда узачак ярымфиналга чакырыла.