Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
2-3 июльдә Мөслим районында XI Бөтенроссия авыл Сабан туе узачак
Үзенең 10 еллык тарихы дәверендә Бөтенроссия авыл Сабан туе Татарстан җирендә тәүге тапкыр оештырыла.
![2-3 июльдә Мөслим районында XI Бөтенроссия авыл Сабан туе узачак](https://tatar-inform.tatar/resize/shd/images/uploads/news/2021/6/28/0514b364be29b59630eb1f8df19a87bb22c6f821b96f3314ffd32a178435.jpg)
(Казан, 28 июнь, «Татар-информ»). 2-3 июль көннәрендә Татарстан Республикасының Мөслим районында XI Бөтенроссия авыл Сабан туе узачак.
Чара Бөтендөнья татар конгрессы, Татарстан Республикасының Мәдәният министрлыгы һәм Мөслим муниципаль районы тырышлыгы белән оештырыла.
Быел Сабантуйга Россиянең 35 регионыннан 500 кунак килүе көтелә. Программа кысаларында, 2 июль көнне Мөслим авылында бәйрәм концерты планлаштырыла, ә икенче көнне милли бәйрәмебезнең төп чаралары үзәк мәйданда дәвам итәчәк.
Сабантуй тарихында быел беренче тапкыр «Татар базары» дигән махсус сату нокталары эшләячәк, шулай ук Бөтенроссия авыл Сабан туе тарихына багышланган күргәзмә дә оештырылачак. Кунакларга Сабантуй мәйданындагы быелгы төп татар утарын Кукмара районы тәкъдим итәчәк. Шулай ук бу көнне бәйрәмгә килгән тамашачылар татар атлары токымы чабышкыларын да күрә алачак.
Сабантуй программасында рәсми котлаулар һәм бүләкләүләр, театральләштерелгән тамаша, ат чабышы, билбау көрәше һәм башка милли уеннар, җыр, биюләр көтелә.
- Бөтенроссия татар авыллары Сабан туе Бөтендөнья татар конгрессы инициативасы белән тәүге тапкыр 2010 елда Самара өлкәсенең Гали авылында уздырылган иде. Үзенең 10 еллык тарихы дәверендә Бөтенроссия авыл Сабан туе Татарстан җирендә тәүге тапкыр оештырыла.
Кызыклы яңалыкларны күзәтеп бару өчен Телеграм-каналга язылыгыз