news_header_top_970_100
16+
news_header_bot_970_100

Милли шура рәисе Чиләбе шәһәре башлыгы белән хезмәттәшлек турында сөйләште

Бу көннәрдә Васил Шәйхразиев Чиләбе өлкәсенә эш сәфәре белән килде.

Милли шура рәисе Чиләбе шәһәре башлыгы белән хезмәттәшлек турында сөйләште
http://tatar-congress.org

(Казан, 28 гыйнвар, «Татар-информ»). Татарстан Премьер-министры урынбасары, Бөтендөнья татар конгрессының Милли шура рәисе Васил Шәйхразиев Чиләбе өлкәсенә эш сәфәре кысаларында Чиләбе шәһәре башлыгы Наталья Котова белән очрашты. Алар хезмәттәшлек хакында фикер алышты.

Бөтендөнья татар конгрессы хәбәр иткәнчә, шәһәр башлыгы Чиләбе өлкәсе татарлары конгрессы белән күптәнге дуслыкка ия булуын билгеләп үтте. Бүгенге көндә шәһәр администрациясе һәм иҗтимагый оешма арасында тыгыз хезмәттәшлек дәвам итә.

Чиләбе өлкәсе татарлары конгрессы Башкарма комитеты рәисе Лена Колесникова партнерлыкны дәвам итүгә ышанычын белдерде.

Очрашу ахырында ТР Вице-премьеры Чиләбе шәһәре башлыгына Бөтендөнья татар конгрессының Рәхмәт хатын тапшырды.

Бүгенге көндә Чиләбедә 60 меңнән артык татар яши. Былтыр октябрь аенда шәһәрдә Габдулла Тукайга һәйкәл ачылды. Чарада Татарстан Республикасы Президенты Рөстәм Миңнеханов һәм ТР Премьер-министры урынбасары, Бөтендөнья татар конгрессының Милли шура рәисе Васил Шәйхразиев катнашты.


autoscroll_news_right_240_400_1
autoscroll_news_right_240_400_2
news_bot_970_100