Башкортстанда Фәүзия Казыхановага Бөтендөнья татар конгрессы медале тапшырылды

Фәүзия Казыханова - халык мәгарифе отличнигы, Н.К.Крупская исемендәге премия лауреаты, хезмәт ветераны, татар телендә укыту-методик комплексларның авторы.

(Казан, 27 октябрь, «Татар-информ»). Башкортстанда татар телендә укыту-методик комплекслар авторы Фәүзия Казыхановага Бөтендөнья татар конгрессы медале тапшырылды

Бөтендөнья татар конгрессы хәбәр итүенчә, бүләкне Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразиев тапшырды.

Фәүзия Казыханова - халык мәгарифе отличнигы, Н.К.Крупская исемендәге премия лауреаты, хезмәт ветераны, татар телендә укыту-методик комплексларның авторы. Бүгенге көндә ул Башкортстан Республикасының Дүртөйле авылында гомер итә. Узган ел Фәүзия ханым үзенең 80 яшьлек юбилеен каршы алды, диелә хәбәрдә.