Башкортстанда “Туган тел” XII республика бәйгесе тәмамлана

Аны Бөтендөнья татар конгрессы Башкарма комитеты һәм Башкортстан татарлары конгрессы оештырган иде.

(Казан, 27 октябрь, "Татар-информ"). Бүген, 27 октябрь көнне, Башкортстанның Дүртөйле шәһәрендә “Туган тел” XII Республика бәйгесенең йомгаклау концерты узачак. Аның төп оештыручылары булып Бөтендөнья татар конгрессы Башкарма комитеты һәм Башкортстан татарлары конгрессы тора. Бәйгенең йомгаклау өлешендә Бөтендөнья татар конгрессы Башкарма комитеты җитәкчесенең урынбасары, «Бөтендөнья татар конгрессы» иҗтимагый берләшмәләре халыкара берлегенең Милли Шурасы Президиум әгъзасы М.Р.Тукаев катнашачак. Сайлап алу туры кичә, 26 октябрь көнне узды, дип хәбәр итә Бөтендөнья татар конгрессы матбугат хезмәте.