Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Шахтерлар сабантуе Кемеровоның иң зур яңа мәйданында узган беренче бәйрәм чарасы иде
Кузбасста 26-27 июньдә Халыкара шахтерлар сабантуе узды.
(Казан, 27 июнь, «Татар-информ», Рузилә Мөхәммәтова). Халыкара шахтерлар сабантуе Кемеровода яңа гына төзелгән Мәскәү мәйданында уздырылган беренче масштаблы бәйрәм чарасы булды. Сабантуй Кузбасста 26-27 июньдә үтте.
«Бу мәйданда әле бер генә бәйрәм дә үткәне юк. Кайчан гына биредә буш җир иде. Март айларында гына эш башланып, бәйрәмгә өлгертү өчен төннәр буе эшләделәр», — диде Кемерово өлкәсе мөфтие, Татар милли-мәдәни автономиясе рәисе Таһир Бикчәнтәев.
«Биредә 6 июльдә Кузбассның 300 еллыгына зур тантана булачак, Россия Президенты Владимир Путинның килүе көтелә. Шушы мәйданны без, татарлар, беренче булып сынап карадык», — диде ул.
Таһир Бикчәнтәев Мәскәүдә Кузбасс мәйданы булуын искә алды. Шунлыктан Кузбасста төзелгән иң зур мәйдан-стадион да Мәскәү исемен йөртүен ассызыклады.
Ул мәйданның 50 мең кеше сыйдырышлы булуын әйтте. Мәйдан шәһәр читендә, Томь елгасы буенда урнашкан.
Кузбасс губернаторы Сергей Цивилев Халыкара шахтерлар сабантуен Кемерово өлкәсендә ел саен үткәрергә тәкъдим итә.
Кызыклы яңалыкларны күзәтеп бару өчен Телеграм-каналга язылыгыз