Мәскәүдә татарлар һәм башкортлар бер көнне ике танышу кичәсенә бара алачак

Әлеге кичәләр Speed Dating форматында уза.
(Казан, 26 ноябрь, "Татар-информ"). Мәскәү татарлары һәм башкортлары өчен бер көнне ике танышу кичәсе оештырылачак. Бу хакта Мәскәү Татар мәдәни үзәге хәбәр итә. 
 
2 декабрь көнне "Шатлык" таныштыру клубы урта яшьтәгеләр һәм яшьләр өчен таныштыру кичәсе уздырачак. Беренче кичәдә 34-45 яшьлек хатын-кызлар һәм 39-55 яшьлек ир-егетләр тиң парларын таба ала. 
 
Икенче кичә исә яшьләр өчен, ягъни 18-34 яшьлек туташлар һәм 20-38 яшьлек егетләр өчен уздырылачак. 
 
Танышу кичәсендә катнашу өчен www.Tatarmoskow.ru сайтында теркәлү узу шарт, диелә хәбәрдә. 
 
Әлеге кичәләр Speed Dating форматында уза. Ягъни чарага бер үк күләмдә хатын-кызлар һәм ир-егетләр килә. Алар һәркайсы үзара 10 минут дәвамында аралашу хокукына ия.