Әфганстанда «Мин татар» флешмобы узды
Флешмобны Әфганстандагы татар мәдәни фондының яшь активистлары уздырган.
Скопировать ссылку
(Казан, 22 март, «Татар-информ»). Әфганстан Ислам республикасында социаль челтәрләрдә «Мин татар» исемле флешмоб узды.
Илдәге барлык татарларны берләштерү максатыннан үткәрелгән акциядә 10 меңләп кеше катнашты, дип яза Бөтендөнья татар конгрессы матбугат хезмәте.
Флешмобны Әфганстандагы татар мәдәни фондының яшь активистлары уздырган. Аларның берсе — Ходжат Надери Бөтендөнья татар конгрессына әфган татарлары өчен татар теле онлайн-курсларын оештыру үтенече белән дә чыккан иде.
- 13 марттан, Әфганстан хөкүмәте карары нигезендә, биредә гомер итүче татарлар үз милләтен электрон паспортта да күрсәтә ала. Моңа кадәр мондый хокуклары юк иде. Һәм милләт графасында алар Конституциягә кертелгән теләсә кайсы башка милләтне язалар иде.
