Төмән өлкәсе татар авылларына багышланган китапларны тәкъдим итәчәкләр

Чара "Төмән ягы себер татарлары авыллары тарихы" дип атала.

(Казан, 20 август, "Татар-информ", Лилия Локманова). 25 август көнне 16.00 сәгатьтә Төмән өлкә китапханәсендә Төмәндәге татар авылларына багышланган китаплар хакында фикер алышу булачак.

"Төмән ягы себер татарлары авыллары тарихы" дип исемләнгән тема белән берләштерелгән кичәдә татар авылларына багышланган китапларны тәкъдим итү булачак, дип хәбәр итә "Татар-информ" агентлыгына оештыручылар.