Новосибирск өлкә Сабан туена әзерләнә

Быел ул XIII тапкыр уздырылачак.

(Казан, 20 июнь, "Татар-информ"). Новосибирск өлкә Сабан туе 23 июньдә узачак. Бу хакта өлкә татарлары мәдәни үзәге хәбәр итә. Быел бәйрәм XIII тапкыр Каргат районында үткәреләчәк.

Сабан туенда концерт программасы, милли уеннар, татарча көрәш, милли ризыклар бәйгесе, татар утарлары конкурсы һ.б. төрле ярышлар булачак. Моннан тыш, киләсе шимбәдә "Сабан туе гүзәле-2018" җиңүчесен ачыклаячаклар.