Самара өлкәсендә Дәүләткол авылының 100 еллыгы уңаеннан өмә уздыралар

(Казан, 20 май, «Татар-информ»). Самара өлкәсенең Дәүләткол авылының бер гасырлык юбилее уңаеннан анда яшәүчеләрне һәм читтә гомер итүчеләрне зур өмәгә чакыралар. Бу хакта Самара татарлары сайтында хәбәр ителә.

Дәүләткол авылы территориясен җыештыру өмәсе 22 май көнне үткәрелә. Өмә иртәнге сәгать сигездә башлана.

Оештыручылар халыкны эш кораллары : балта, сәнәк, тырма, пычкылар белән мәчет янында көтәләр. 

Авыл халкының һәм анда туып-үсеп читтә гомер итүчеләрнең әлеге чарада актив катнашуларын сорыйлар.