Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Рязань өлкәсенең Касыйм шәһәрендә Сөембикә ханбикәгә һәйкәл куялар
Һәйкәл макетын сынчы Вениамин Сидоренко ясаган.
(Казан, 20 гыйнвар, «Татар-информ»). Рязань өлкәсенең Касыйм шәһәрендә Казан ханбикәсе Сөембикәгә һәйкәл куячаклар. Һәйкәлне 2022 елда Идел буе Болгары халыклары ислам динен кабул итүнең 1100 еллыгы уңаеннан урнаштыру планлаштырыла.
Россия мөселманнары Диния нәзарәте матбугат хезмәте хәбәр иткәнчә, мемориал урнаштыру турында кичә Россия мөселманнары Диния нәзарәте резиденциясендә фикер алышканнар.
Очрашуда Россия мөселманнары Диния нәзарәте рәисе урынбасарлары Рәфыйк Фәттахетдинов һәм Илдар Нуриманов, Татар милли-мәдәни автономиясе рәисе Илдар Бикуев, Татарстанның атказанган мәдәният эшлеклесе Әлфия Рәхмәтуллина һәм башкалар катнашты.
Проектны Әлфия Рәхмәтуллина һәм Илдар Бикуев гамәлгә ашыра. Алар Сөембикәнең соңгы урыны Касыйм шәһәре белән бәйле булуы турындагы тарихи дәлилләргә таяначак. Һәйкәл Ока елгасы ярында, реконструкцияләнгән һәм ханбикә исеме бирелгән скверда куела.
Сынны сквер үзәгенә урнаштырачаклар. Монда сигез почмаклы йолдыз формасында, ярымай һәм йолдыз куелган постамент урнашкан.
Һәйкәл макеты әзер, аны Россиянең атказанган рәссамы, сынчы Вениамин Сидоренко ясаган.
Кызыклы яңалыкларны күзәтеп бару өчен Телеграм-каналга язылыгыз