Татар дөньясы 19 ноябрь 2020 20:42

Магнитогорскида «Хәтер» татар җыры бәйгесенә гариза кабул итү иртәгә тәмамлана

Фестиваль җиңүчеләренең Гала-концерты 30 ноябрьдә онлайн булачак.

Скопировать ссылку

(Казан, 19 ноябрь, «Татар-информ»). Магнитогорск татарлары ел саен үткәрелә торган «Хәтер» татар җыр иҗаты фестиваль-бәйгесе уздыра. Катнашырга теләүчеләрнең видеолары 20 ноябрьгә кадәр электрон почтага (otk-ddn@yandex.ru) кабул ителә. Бу хакта Бөтендөнья татар конгрессы матбугат хезмәте хәбәр итә.

«Хәтер» татар җыр иҗаты фестиваль-бәйгесендә теләге булган һәрке катнаша ала. Чараны Магнитогорск шәһәренең Халыклар дуслыгы йортының татар мәдәнияты бүлеге оештыра.

Бәйгедә түбәндәге номинацияләр каралган: - татар халык җырлары һәм татар композиторларының җырлары. - мөнәҗәтләр һәм бәетләр. Яшь төркемнәре: 5-10 яшь; 10-15 яшь; 15-35 яшь; 35-55 яшь һәм 55 яшьтән өлкәннәр.

Фестивальгә 1 ноябрьдән 20 ноябрьгә кадәр гаризалар һәм видеоязмаларга сылтамалар кабул ителә. 20 ноябрьдән 25 ноябрьгә кадәр жюри катнашучыларның конкурс программаларын карый. 30 ноябрьдә Гала-концерт була, шулай ук нәтиҗәләр онлайн игълан ителә. Фестиваль нәтиҗәләре сайтта һәм социаль челтәрләрдә урнаштырылачак. 30 ноябрьдән дипломнар электрон адресларга җибәреләчәк.

Сәхифәләр

Магнитогорскида «Хәтер» татар җыры бәйгесенә гариза кабул итү иртәгә тәмамлана