Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Екатеринбургта татар телен өйрәнү буенча интенсив курслар башланган
Дәресләргә татар телен белмәүчеләр дә, телне өйрәнүне дәвам итәргә теләүчеләр дә йөри ала.
(Казан, 19 ноябрь, «Татар-информ»). 15 ноябрь көнне Екатеринбургта татар телен өйрәнү буенча интенсив курслар башланды. Бу хакта Екатеринбург татарлары Вконтакте төркемендә хәбәр итә.
Дәресләр укучыларны ике төркемгә бүлеп уза: татар телен өйрәнүдә беренче адымнарын ясаучылар һәм телне үзләштерүне дәвам итүчеләр төркемнәренә бүленеп укый курска йөрүчеләр.
Курслар атнасына ике тапкыр уза. Дәресләрнең планлаштырылган вакыты турында Вконтакте төркемендә алдан хәбәр итәләр. Татар телен өйрәнү буенча интенсив 3 ай дәвам итәчәк.
Дәресләрне эшмәкәр, «Милли хәзинә» өстәл уенын уйлап табучы, Екатеринбургта татарча сөйләм клубын булдыручы Вячеслав Сурмятов уздыра.
Курслар Татарстанның Свердловск өлкәсендәге даими вәкиллеге бинасында (Сакко и Ванцетти ур., 24нче йорт) уза.
Кызыклы яңалыкларны күзәтеп бару өчен Телеграм-каналга язылыгыз