news_header_top_970_100
16+
news_header_bot_970_100

Көньяк Сахалин татарлары Мәүлид көнендә милли ашлар бәйгесе үткәргән

«Сахалин мөслимәләре берлеге» җитәкчесе Зәкия Вәлитова конкурста катнашучыларга рәхмәт белдергән.

Көньяк Сахалин татарлары Мәүлид көнендә милли ашлар бәйгесе үткәргән
"Татар-информ" архивы

(Казан, 19 октябрь, «Татар-информ», Гадел Әхмәтҗанов). Сахалин өлкәсе мөселман хатын-кызлары берлеге Көньяк Сахалин мәчете белән берлектә Мәүлид көнендә милли ризыклар пешерү бәйгесе оештырган.

«Сахалин мөслимәләре милли ризыклар пешереп алып килде. Зур табын ясадылар. Имам-хатыйблар бәйгедә катнашучы кызларга рәхмәт белдерде. Күп кенә катнашучылар балалары белән килгән иде», — дип яза Сахалин өлкәсе татарларының милли-мәдәни автономиясе үзенең Инстаграм сәхифәсендә.

«Сахалин мөслимәләре берлеге» җитәкчесе Зәкия Вәлитова Мәүлид бәйрәмендә катнашучыларның барысына да рәхмәт әйткән. «Аллаһы Тәгалә сезнең йөрәкләрегезне Пәйгамбәребезгә (с.г.в.) тагын да ныграк мәхәббәт белән тулыландырсын, сезгә нык иман, көч һәм ихласлык бирсен», — диелә хәбәрдә.


autoscroll_news_right_240_400_1
autoscroll_news_right_240_400_2
news_bot_970_100