«Ак Барс» татар эшлекле клубы рәисе Мәскәүдәге Татар мәдәни үзәгендә чыгыш ясады

Биредә Мәскәү татарлары автономиясе башлыгы Фәрит Фарисов милли-мәдәни үзәкнең тарихи бинасы турында сөйләде.

(Казан, 19 октябрь, «Татар-информ»). Мәскәүнең Татар мәдәни үзәгендә «Ак Барс» татар эшлекле клубы идарәсе рәисе Илдар Харипов пандемия чорында бизнес алып бару үзенчәлекләре турында лекция сөйләде. Бу хакта Бөтендөнья татар конгрессы матбугат хезмәте хәбәр итә.

Биредә Мәскәү дәүләт университеты студентларының якташлар җәмгыяте вәкилләре катнашты.

Лекция башланыр алдыннан Мәскәү татарлары автономиясе башлыгы Фәрит Фарисов чыгыш ясады. Ул Автономия һәм милли-мәдәни үзәкнең тарихи бинасы турында сөйләде, диелә хәбәрдә.