«Болгар» татар-башкорт оешмасы Бөтендөнья татар конгрессына рәхмәт белдерә

«Тарихи Ватаныннан читтә яшәүче татар халкының милли мәдәниятен танытуда күрсәткән ярдәмегезне югары бәялибез», диелә рәхмәт хатында.

(Казан, 19 март, «Татар-информ»). «Болгар» татар-башкорт иҗтимагый оешмасы Бөтендөнья татар конгрессына рәхмәт белдерә. Бу хакта Бөтендөнья татар конгрессының матбугат хезмәте хәбәр итә.

«Без — «Болгар» татар-башкорт иҗтимагый оешмасы һәм Ханты-Манси автономияле округы-Юграның «Тулпар» Югорка татар мәдәнияте үзешчән театры безнең милли театрга ярдәм йөзеннән татар язучылары һәм драматургларының китапларын тапшырганыгыз өчен Сезгә чын күңелдән рәхмәт белдерәбез", - ди алар.

«Болгар» татар-башкорт иҗтимагый оешмасы конгресска һәм коллективка сәламәтлек һәм уңышлар тели.

"Тарихи Ватаныннан читтә яшәүче татар халкының милли мәдәниятен танытуда күрсәткән ярдәмегезне югары бәялибез», диелә «Болгар» татар-башкорт иҗтимагый оешмасы рәисе Р.Р.Сәлахова һәм «Тулпар» татар мәдәнияте үзешчән театры җитәкчесе Л.Т.Хөсәенова имзалаган рәхмәт хатында.