Татар дөньясы 18 сентябрь 2020 07:16

Екатеринбургта балалар өчен татар теле курслары башлана

Дәресләр, яшь үзенчәлекләренә карап, ике төркемдә үткәреләчәк.

Скопировать ссылку

(Казан, 18 сентябрь, «Татар-информ»). Екатеринбургта балалар өчен «Тәрбия» дип аталган татар теле курслары башлана. Беренче дәресләр октябрь аенда ук башланачак. Бу хакта «Урал татарлары» сайты хәбәр итә.

Курсларны «Урал таулары» региональ иҗтимагый оешмасы үткәрә.

«Глобальләшү шартларында һәр кешегә берничә тел белү зарур. Без Екатеринбургта татар телен өйрәнергә тәкъдим итәбез. Әгәр элек татар теле мохитен әби- бабайлар янында гына булдыру мөмкин булса, хәзер татар телен өйрәнергә теләүчеләр безгә мөрәҗәгать итә ала», — диде балаларыга татар теле укытучы Эльза Мөдәрис кызы.

Татар теле дәресләрен профессиональ педагоглар үткәрәчәк. Дәресләр, яшь үзенчәлекләренә карап, ике төркемдә үткәреләчәк. Беренче төркемгә - 4 яшьтән алып 7 яшькә кадәрле балаларны, икенче төркемгә 7 яшьтән 12 яшькәчә балалар чакырыла.

#татар теле #Екатеринбург татарлары #татар теле курслары #татар телен өйрәнү #Екатеринбург

Сәхифәләр

Екатеринбургта балалар өчен татар теле курслары башлана