Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайның балалар бакчасында татар халык уеннары үткәрелде
Алар «Кабыргалы-тамчылы», «Чума үрдәк, чума каз» һәм башка халык уеннарында бик теләп уйнады.
(Азнакай, 18 сентябрь, «Татар-информ», «Маяк», Айгөл Шәрифуллина). Азнакайда «Мәдәни үзәк» иҗат коллективы балаларны татар халкының сәнгате белән таныштырды. 16 сентябрьдә «Uen Fest» фестивале кысаларында «Мәдәни үзәк» иҗат коллективы «Улыбка» 18нче балалар бакчасында татар халык уеннарын үткәрде. Бу турыда район басмасы яза.
Чараның төп максаты балаларда халык гореф-гадәтләренә мәхәббәт тәрбияләү булып тора. Аларда татар халык уеннары, халык фольклоры һәм гореф-гадәтләре аша уңай әхлакый сыйфатлар формалаштырырга ниятләнгән.
Балалар татар халкының сәнгате, татар уеннарының төрләре белән танышты. Алар «Кабыргалы-тамчылы», «Чума үрдәк, чума каз» һәм башка халык уеннарында бик теләп уйнады. «Улыбка» балалар бакчасында тәрбияләнүчеләр, тәкдим ителгән татар биюен карап, үзләре дә халык көйләренә кушылып биеделәр.
Бу очрашу балаларга яхшы кәеф һәм бик күп шатлыклы мизгелләр бүләк итте.
Кызыклы яңалыкларны күзәтеп бару өчен Телеграм-каналга язылыгыз