Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Магнитогорск татарлары автономия бинасын киңәйтү өчен ярдәм сорый
Татарстанның Свердловск өлкәсендәге Вәкаләтле вәкиле Магнитогорск шәһәре татар автономиясе җитәкчесе белән очрашты.
(Казан, 17 декабрь, «Татар-информ»).Татарстанның Свердловск өлкәсендәге вәкаләтле вәкиле Хәйдәр Гыйльфанов Магнитогорск татар автономиясе җитәкчесе Кадиминур Таһиров белән хезмәттәшлек турында сөйләште. Алар Магнитогорск татарлары автономиясе бинасы мәйданын киңәйтү мәсьәләсе турында да фикер алышты. Бу хакта Татарстан Республикасының Свердловск өлкәсендәге Даими вәкиллеге матбугат хезмәте хәбәр итә.
Бина шәһәр үзәгендә урнашкан, аның койма белән әйләндереп алынган мәйданы бар. Хәзерге вакытта бинаның бер өлеше буш тора, элек анда китапханә булган. Татарстан Республикасының Вәкаләтле вәкиллеге әлеге мәсьәләне хәл итүдә ярдәм күрсәтәчәк.
Шулай ук яклар Екатеринбургта һәм Магнитогорскида уза торган татар фестивальләре, ике якның да иҗат коллективлары актив катнашуы өчен конкурслар буенча оператив мәгълүмат алмашу турында килеште. Мәсәлән, Магнитогорскида Габдулла Рәхимкулов исемендәге җыр конкурслары, «Хәтер» конкурсы, ә Екатеринбургта «Урал сандугачы», «Шома бас» бәйгеләре уңышлы уза.
Очрашу ахырында яклар Татарстан һәм Магнитогорск шәһәре предприятиеләре арасында сәүдә-икътисади элемтәләрне дә көчәйтү хакында да искәрттеләр, диелә бу хәбәрдә..
Кызыклы яңалыкларны күзәтеп бару өчен Телеграм-каналга язылыгыз